English | Armenian | Chinese (Simplified) | Chinese (Traditional) | Hindi | Hmong | Khmer | Korean | Lao | Punjabi | Russian | Spanish | Tagalog | Thai | Vietnamese
Սրանք այն հարցերի պատասխաններն են, որոնք CalVCB-ն ամենից հաճախ է ստանում:
Ունեք հարց, որի պատասխանը չեք տեսնու՞մ այստեղ: Կապվեք մեզ հետ 800-777-9229 հեռախոսահամարով կամ info@victims.ca.gov էլ. հասցեով։
Այս էջում՝
Իրավասություն
Ո՞վ է իրավասու:
- Փոխհատուցման իրավասություն ունենալու համար, տուժածները պետք է լինեն՝
- Հանցագործության պահին Կալիֆոռնիայի բնակիչ, կամ
- Ոչ ռեզիդենտ, ով տուժել է Կալիֆոռնիայի տարածքում։
Հանցագործությունը պետք է ներառի՝
- Ֆիզիկական վնասվածք,
- Ֆիզիկական վնասվածքի սպառնալիք,
- Մահ, կամ
- Հուզական տրավմա՝ որոշակի
- հանցագործությունների դեպքում։
Տուժածները պետք է
- Համագործակցեն ոստիկանության և դատարանի պաշտոնատար անձանց հետ՝ հանցագործին ձերբակալելու և դատական կարգով հետապնդելու համար։
- Բացառություններ կարող են լինել ընտանեկան բռնության, մարդկանց թրաֆիքինգի կամ սեռական ոտնձգության հետ կապված հանցագործությունների պարագայում։
- Համագործակցեն CalVCB-ի աշխատակազմի հետ։
- Ներգրավված չլինեն հանցագործությանը հանգեցրած իրադարձություններում։
- Հանցագործության ժամանակ ծանր հանցագործություն կատարած չլինեն։
- Դիմումը ներկայացնեն սահմանված ժամկետներում: Տուժածները կարող են դիմում ներկայացնել հանցագործությունից հետո յոթ տարվա ընթացքում, կամ յոթ տարի անց այն բանից հետո, երբ տուժածն իմացել կամ հայտնաբերել է, որ հանցագործությունը մարմնական վնասվածք է պատճառել կամ մահվան պատճառ է դարձել: 21 տարեկան կամ ավելի փոքր տուժածները կարող են դիմել մինչև իրենց 28-ամյակը։
Ո՞ր հանցագործություններն է փոխհատուցում CalVCB-ն:
CalVCB-ի կողմից փոխհատուցվող հանցագործությունները ներառում են, բայց չեն սահմանափակվում հետևյալով՝
- Հարձակում մահացու զենքով
- Ծեծկռտուք
- Երեխայի առևանգում
- Բռնություն երեխայի նկատմամբ
- Երեխային վտանգի ենթարկելը կամ առանց հսկողության թողնելը
- Երեխայի նկատմամբ սեռական բռնություն
- Հակաօրինական սպառնալիքներ
- Ընտանեկան բռնություն
- Ալկոհոլի ազդեցության տակ մեքենավարում
- Տարեցների նկատմամբ բռնություն
- Ատելության վրա հիմնված հանցագործություններ
- Վրաերթ և փախուստ
- Սպանություն
- Մարդկանց թրաֆիքինգ
- Առևանգում
- Սպանություն
- Անտեսում
- Բռնաբարություն
- Կողոպուտ
- Սեռական բռնություն
- Սեռական բնույթի քաշկռտուկ
- Հետապնդում՝ առցանց կամ անձամբ
- Տրանսպորտային միջոցի օգնությամբ մարդասպանություն
- Այլ հանցագործություններ, որոնք հանգեցնում են ֆիզիկական վնասվածքի կամ ֆիզիկական վնասվածքի սպառնալիքի
Ի՞նչ անել, եթե հանցագործությունը տեղի է ունեցել Կալիֆոռնիայից տարածքից դուրս:
Տուժողը, բացի CalVCB-ին դիմելուց, պետք է փոխհատուցման համար դիմի նաև այն նահանգում, որտեղ տեղի է ունեցել հանցագործությունը։ CalVCB-ն կստուգի արտանահանգային դիմումը։ Եթե տուժածի ծախսերը չեն փոխհատուցվում այդ ծրագրի կողմից, CalVCB-ն հնարավոր է կարողանա օգնել։
Ի՞նչ անել, եթե ինձ անհապաղ ֆինանսական օգնություն է հարկավոր:
Դուք կարող եք դիմել անհապաղ օգնության համար որոշակի իրավիճակներում։ CalVCB-ն կարող է հաստատել անհապաղ օգնությունը՝ ելնելով դժվարության և կարիքի մակարդակից։ Նշեք կարիքը Ձեր դիմումի մեջ առկա անհապաղ օգնության համար նախատեսված բաժնում և դիմումի հետ միասին ներկայացրեք բոլոր հաշիվները ։
Ծախսեր
Ո՞ր ծախսերն են ենթակա փոխհատուցման:
- Հուղարկավորություն և թաղում
- Բժշկական և ատամնաբուժական բուժում
- Հոգեկան առողջության բուժում կամ խորհրդատվություն
- Հոգեկան առողջության խորհրդատվություն բռնի հանցագործության ականատես անչափահասների համար
- Բժշկի, ատամնաբույժի կամ հոգեբույժի այցելության երկկողմանի ճանապարհածախսերը
- Ուղեկցող, ազդանշանող կամ ծառայողական շան համար անասնաբուժական կամ դրանց փոխարինման ծախսերը
- Հոսպիտալացված կամ մահացած անչափահաս տուժածի ծնողի կամ օրինական խնամակալի համար մինչև 30 օր եկամտի կորուստի ծախսերը
- Հանցագործության անմիջական հետևանքով հաշմանդամություն ստացած տուժածի եկամտի կորուստի ծախսերը։ Տուժածները կարող են ստանալ այս գումարը հանցագործության կատարման օրվանից հետո մինչև հինգ տարվա ընթացքում։ Եթե տուժածը հանցագործության պատճառով մշտական հաշմանդամություն է ստացել, եկամտի կորուստի փոխհատուցումը կարող է հաստատվել հինգ տարուց ավելի ժամանակահատվածի համար։
- Հանցագործության անմիջական հետևանքով հաշմանդամություն ստացած կամ մահացած տուժողի խնամքի տակ գտնվող անձանց աջակցության կորստի փոխհատուցում
- Մինչև երկու տարի ժամկետով եկամտի կորստի փոխհատուցում, եթե հանցագործությունը մարդկանց թրաֆիքինգ է
- Աշխատանքի վերապատրաստում
- Տեղափոխություն
- Բնակելի տարածքների անվտանգության տեղադրում կամ բարելավում
- Մշտական հաշմանդամություն ստացած տուժածի համար տան կամ տրանսպորտային միջոցի հարմարեցում
- Հանցագործության վայրի մաքրում
Ո՞ր ծախսերը ենթակա չեն փոխհատուցման:
Որոշ ծախսեր չեն փոխհատուցվում CalVCB-ի կողմից։ Օրինակ՝ գույքային վնասը, դատական ծախսերը և իրավաբանական ծախսերը։
Դիմորդները պետք է պահանջեն ծախսերի փոխհատուցում ծառայության մատուցման օրվանից երեք տարվա ընթացքում: Եթե հաշիվները տրամադրվեն ավելի ուշ, CalVCB-ն չի կարող վճարել։
Ե՞րբ CalVCB-ն չի իրականացնի վճարում:
CalVCB-ն չի իրականացնի վճարում, եթե
- Փոխհատուցման դիմումը չի հաստատվել։
- Դիմորդը չի դիմել սահմանված ժամկետներում:
- Հաշիվը ներկայացվել է առանց պատշաճ փաստաթղթերի:
- Ծախսը չի փոխհատուցվում ծրագրի կողմից։
- Արժեքը գերազանցում է ծրագրի վճարման սահմանաչափերը։
- Այլ հնարավոր փոխհատուցման աղբյուրներ չեն օգտագործվել։
- Ծառայություն մատուցողն ուղղակիորեն պահանջում է փոխհատուցում, սակայն գրանցված չէ CalVCB-ում:
CalVCB-ն չի կարող վճարում կատարել մինչդեռ տուժածը գտնվում է
- Ուղղիչ հաստատությունում։
- Պայմանական վաղաժամկետ ազատման, փորձաշրջանի կամ ազատ արձակումից հետո համայնքային հսկողության տակ՝ բռնի ծանր հանցագործության համար։
- Պարտավոր է գրանցվել որպես սեռական հանցագործություն իրականացրած անձ։
Որո՞նք են փոխհատուցման սահմանափակումները:
CalVCB-ի վճարումներն ունեն սահմանափակումներ:
Մեկ հաստատված դիմումի համար CalVCB-ն կարող է վճարել առավելագույնը 70,000 դոլար է: (2001-2017 թվականներին ներկայացված դիմումների համար CalVCB-ն կարող է առավելագույնը վճարել 63,000 դոլար է:)
Կան սահմանափակումներ այն գումարի վրա, որը CalVCB-ն կարող է վճարել որոշ ծառայությունների համար: Ամբողջական ցանկի համար տե՛ս Փոխհատուցման Վճարների Տեղեկատու Ուղեցույցը։
Ի՞նչ կլինի, եթե ես փոխհատուցումներ ստանամ այլ աղբյուրներից:
Օրենքով CalVCB-ն կարող է փոխհատուցել միայն այն հաշիվները, որոնք չեն փոխհատուցվում այլ աղբյուրների կողմից։ Այլ աղբյուրները են հանդիսանում
- Բժշկական, ատամնաբուժական կամ տեսողական ապահովագրությունը
- Հանրային օգնության ծրագրերը, ինչպիսիք են՝ Մեդի-Քալը, գործազրկության ապահովագրությունը կամ հաշմանդամության նպաստները
- Մասնավոր ապահովագրությունը (ավտոմեքենայի, տան և/կամ կյանքի)
- Աշխատողների համար նախատեսված փոխհատուցման նպաստները
- Դատարանի կողմից նշանակված փոխհատուցումը
- Քաղաքացիական հայցերից ստացված փոխհատուցումները
- Գործատուի կողմից տրամադրված աջակցությունները
Դիմորդները պարտավոր են CalVCB-ին տեղեկացնել հնարավոր բոլոր փոխհատուցման աղբյուրների մասին։ Եթե դիմորդը հետագայում փոխհատուցում է ստանում այս աղբյուրներից, ապա պետք է հետ վճարի CalVCB-ին։
Համաֆինանսավորման միջոցները (օրինակ՝ GoFundMe) չեն համարվում փոխհատուցման աղբյուր, սակայն CalVCB-ն չի կարող վճարել այն ծախսերի համար, որոնք արդեն վճարվել են համաֆինանսավորման նվիրատվությունների միջոցով։
Պե՞տք է արդյոք ես հետ վճարեմ CalVCB-ին, եթե մեկ այլ աղբյուր վճարում է ինձ:
Այո։ CalVCB-ն վճարում է տուժածների միայն այն ծախսերի համար, որոնց համար փոխհատուցման այլ հնարավոր աղբյուր չկա։ CalVCB-ն իրավունք ունի հետ ստանալ վճարումները, եթե վճարումներ կատարելուց հետո մեկ այլ աղբյուր դառնա հասանելի։։
Դիմում
Ինչպե՞ս դիմեմ փոխհատուցման համար:
Դուք կարող եք դիմել առցանց, թղթային տարբերակով կամ փաստաբանի օգնությամբ։
Ո՞րն է դիմում ներկայացնելու ժամկետային սահմանափակումը:
Դիմում ներկայացնելու ժամկետներն են՝
- Հանցագործությունից հետո յոթ տարվա ընթացքում, կամ
- Անչափահաս տուժածի 21 տարին լրանալուց հետո յոթ տարվա ընթացքում, կամ
- Յոթ տարվա ընթացքում այն պահից սկսած, երբ տուժածն իմացել է կամ կարող էր իմանալ, որ վնասվածքը կամ մահը տեղի են ունեցել հանցագործության անմիջական հետևանքով։
Որոշ դիմումներ, որոնք ներկայացվել են ավելի ուշ, կարող են դիտարկվել: Այդ պարագայում լրացրեք Ուշ Վերանայման Ձևաթուղթը: Դիմումի ներկայացման վերջնաժամկետը կարող է երկարաձգվել, եթե դրա համար հիմնավոր պատճառ կա: Այդ թվում՝
- Դատախազի կողմից երաշխավորությունը։ Այն պետք է հաստատի, որ տուժածը համագործակցել է հանցագործի ձերբակալման և քրեական հետապնդման գործում։
- Հանցագործի դատապարտման կամ պատժի ընթացքում տեղի ունեցած իրադարձությունները հանգեցրել են տուժողի համար լրացուցիչ կորուստների։
- Հանցագործության բնույթն այնպիսին է, որ հանցագործության մասին ուշ հաղորդելը ողջամիտ է և ներելի:
Նույն հանցագործությունից տուժած ընտանիքի անդամները նույնպես կարող են դիմում ներկայացնել: Դրանք կարող են հաստատվել CalVCB-ի կողմից տուժածի դիմումը հաստատելուց հետո։
Բողոքարկումներ
Արդյո՞ք ես իրավունք ունեմ բողոքարկելու:
Դուք իրավունք ունեք բողոքարկելու, եթե CalVCB-ն մերժում է դիմումը կամ ծախսերի վճարումը։ Դուք պետք է բողոքարկումը ներկայացնեք Խորհրդի կողմից դիմումը կամ ծախսերը մերժելու մասին ծանուցումը փոստով ուղարկելու օրվանից 45 օրվա ընթացքում։
Եթե տրամադրեք նոր տեղեկություններ, CalVCB-ն կարող է վերանայել մերժումը։ Եթե Ձեր բողոքարկման հետ կապված հարցերը չլուծվեն, CalVCB-ն Ձեզ կուղարկի պաշտոնական նամակ, որը կներառի Ձեր տարբերակները։ Այդ թվում՝ լսումներ պահանջելը։ CalVCB-ն չի անցկացնում լսումներ անհապաղ օգնության մերժումների պարագայում։
Եթե համաձայն չեք Խորհրդի վերջնական որոշման հետ, կարող եք միջնորդություն ներկայացնել Կալիֆոռնիայի Գերագույն դատարան:
Ինչպե՞ս կարող եմ բողոքարկում ներկայացնել:
Դուք կարող եք օգտագործել CalVCB-ի բողոքարկման ձևաթուղթը կամ գրել նամակ։ Բացատրեք, թե ինչու CalVCB-ն պետք է հաստատի դիմումը կամ ծախսը: Ներառեք ցանկացած օժանդակ փաստաթուղթ։ Այնուհետև ստորագրեք, նշեք ամսաթիվը և փոստով ուղարկեք ձևաթուղթը կամ նամակը հետևյալ հասցեով.
CalVCB
Attn: Appeals
P.O. Box 350
Sacramento, CA 95812-0350
Ինչպե՞ս է գործում բողոքարկման գործընթացը:
CalVCB-ն կվերանայի Ձեր գործում առկա ամբողջ տեղեկատվությունը։ Եթե Ձեր բողոքարկման հետ կապված հարցերը չլուծվեն, CalVCB-ն Ձեզ կուղարկի Լսումներն անցկացնող պաշտոնյայի առաջարկությունը։ Դուք գրավոր կերպով կտեղեկացվեք լսումների Ձեր տարբերակների մասին։
- Եթե ընտրեք բանավոր լսման տարբերակը, կարող եք ներկայանալ հետևյալ միջոցներից մեկով՝
- Հեռախոսազանգով՝ Zoom-ի միջոցով
- Անձամբ Սակրամենտոյում
- CalVCB-ն գրավոր կերպով կտեղեկացնի Ձեզ Ձեր լսումների օրվա և ժամի մասին, ինչպես նաև կտրամադրի ցուցումներ, թե ինչպես ներկայանալ։
- Եթե ցանկանում եք փոխել լսումների ամսաթիվը, պետք է գրավոր կապվեք CalVCB-ի հետ և նշեք փոփոխության պատճառը։ Դուք պետք է հիմնավոր պատճառ ներկայացնեք լսումների ամսաթիվը փոխելու համար։
- Եթե ցանկանում եք ներկայացնել ավելի շատ փաստաթղթեր՝
- Դուք կունենաք 30 օր՝ ուղարկելու նյութեր, որոնք ցույց են տալիս, թե ինչու CalVCB-ն պետք է հաստատի դիմումը կամ ծախսը։
- Հարկավոր չէ կրկին ներկայացնել այն փաստաթղթերը, որոնք արդեն տրամադրել եք: Խորհուրդը կուսումնասիրի Ձեր գործում առկա բոլոր փաստաթղթերը և գրավոր կերպով կուղարկի վերջնական որոշումը։
- Եթե որոշեք ոչինչ չանել
- Լսումներն անցկացնող պաշտոնյայի առաջարկությունը կընդունվի Խորհրդի կողմից որպես վերջնական որոշում։