English | Armenian | Chinese (Simplified) | Chinese (Traditional) | Hindi | Hmong | Khmer | Korean | Lao | Punjabi | Russian | Spanish | Tagalog | Thai | Vietnamese
Cov no yog cov lus teb rau cov lus nug uas CalVCB nquag tau txais.
Puas xav tau ib lo lus teb uas koj tsis pom ntawm no? Hu rau peb ntawm 800-777-9229 los sis info@victims.ca.gov.
Ntawm nplooj ntawv no:
Kev Tsim Nyog Tau Txais
Leej twg thiaj tsim nyog tau txais?
Txhawm rau kom tsim nyog tau txais kev them nyiaj rov qab, cov neeg raug tsim txom yuav tsum yog:
- Ib tug neeg nyob hauv California thaum lub sij hawm ua txhaum cai, los sis
- Ib tug neeg raug tsim txhom uas tsis nyob hauv hauv California.
Qhov kev ua txhaum yuav tsum muaj:
- Kev raug mob rau lub cev,
- Kev hem thawj yuav ua rau lub cev raug mob,
- Kev tuag, los sis
- Kev raug mob fab siab ntsws, rau qee yam kev ua txhaum cai.
Cov neeg raug tsim txom yuav tsum:
- Koom tes nrog tub ceev xwm thiab cov neeg ua hauj lwm hauv tsev hais plaub los ntes thiab foob tus neeg ua txhaum. Tej zaum cov kev zam yuav siv tau rau cov kev ua txhaum uas muaj kev tsim txom hauv tsev, kev lag luam tib neeg, los sis kev quab yuam sib daj sib deev.
- Koom tes nrog cov neeg ua hauj lwm ntawm CalVCB.
- Tsis tau koom nrog hauv cov xwm txheej uas ua rau muaj kev ua txhaum.
- Tsis tau ua txhaum loj thaum lub sij hawm ua txhaum.
- Xa daim ntawv foob nyob hauv lub sij hawm txwv. Cov neeg raug tsim txom tuaj yeem xa daim ntawv foob tsis pub dhau xya xyoo tom qab kev ua txhaum, los sis xya xyoo tom qab tus neeg raug tsim txom paub los sis pom tias muaj kev raug mob los sis kev tuag tshwm sim vim yog kev ua txhaum. Cov neeg raug tsim txom uas muaj hnub nyoog 21 xyoos los sis yau dua muaj sij hawm mus txog thaum lawv hnub yug 28 xyoo los ua ntawv foob.
CalVCB duav roos rau kev ua txhaum dab tsi?
Cov kev ua txhaum uas CalVCB suav roos suav nrog tab sis tsis txwv rau:
- Kev ua rau mob nrog ib rab phom tuag taus
- Kev ua phem rau lub cev
- Kev nyiag me nyuam yaus
- Kev tsim txom me nyuam yaus
- Kev phom sij rau me nyuam thiab kev tso me nyuam tseg
- Kev quab yuam me nyuam yaus txog kev sib daj sib deev
- Kev hem thawj ua txhaum cai
- Kev tsim txom hauv tsev neeg
- Tsav tsheb thaum qaug dej caw
- Kev tsim txom cov neeg laus
- Kev Ua Phem Vim Kev Ntxub
- Tsav tsheb tsoo thiab khiav
- Kev tua neeg
- Kev lag luam tib neeg
- Kev nyiag neeg
- Kev tua neeg
- Tsis quav ntsej
- Kev mos deev
- Tub sab nyiag khoom
- Kev quab yuam sib deev
- Kev ua phem rau qhov kev sib deev
- Soj taug qab, hauv oos lais los sis tus neeg
- Kev tua neeg los ntawm tsheb tsav tsheb nrau
- Lwm yam kev ua txhaum uas ua rau raug mob lub cev los sis kev hem thawj uas ua rau lub cev raug mob lrau tus neeg raug tsim txom.
Yuav ua li cas yog tias kev ua txhaum cai tshwm sim sab nraud ntawm California?
Tus neeg raug tsim txom yuav tsum ua daim ntawv foob rau kev them nyiaj rau tus neeg raug tsim txom hauv lub xeev uas qhov kev ua txhaum tau tshwm sim ntxiv rau kev ua ntawv foob nrog CalVCB. CalVCB yuav txheeb xyuas daim ntawv foob sab nraud ntawm lub xeev. Yog tias tus neeg raug tsim txom cov nuj nqis tsis tau tau txais kev duav roos los ntawm lub khoos kas ntawd, tej zaum CalVCB yuav pab tau.
Yog tias kuv xav tau kev pab nyiaj txiag tam sim ntawd yuav ua li cas?
Koj tuaj yeem thov kev pab thaum muaj xwm txheej ceev nyob rau qee cov xwm txheej. Tej zaum CalVCB yuav pom zoo kev pab tam sim ntawd raws li qib kev nyuaj siab thiab qhov kev xav tau. Nco ntsoov qhov kev xav tau no rau hauv koj daim ntawv thov hauv tshooj khoom plig xwm txheej ceev thiab xa txhua daim nqi nrog koj daim ntawv thov.
Cov Nuj Nqi
Cov nuj nqis twg thiaj tsim nyog tau txais kev them rov qab?
- Kev pam tuag thiab kev faus neeg
- Kev kho mob thiab kev kho hniav
- Kev kho mob rau kev puas siab puas ntsws los sis kev sab laj
- Kev pab tswv yim txog kev noj qab haus huv fab kev puas siab puas ntsws rau cov me nyuam yaus uas pom ib qho kev ua phem.
- Tus nqi thauj mus los ib lwm rau cov kev teem caij mus rau kev kho mob, kho hniav, los sis kev kho mob fab kev puas siab puas ntsws.
- Nqi kho tsiaj los sis nqi hloov rau tus dev qhia kev, dev ceeb toom qhia, los sis dev pab cuam
- Poob rau cov nyiaj tau los txog li 30 hnub rau niam txiv los sis tus neeg saib xyuas raws cai ntawm tus me nyuam raug tsim txom uas pw kho mob hauv tsev kho mob los sis tuag.
- Poob rau cov nyiaj tau los yog tias tus neeg raug tsim txom xiam oob qhab vim yog kev ua txhaum cai. Cov neeg raug tsim txom tuaj yeem tau txais qhov nyiaj pab no txog tsib xyoos tom qab hnub uas qhov kev ua txhaum tshwm sim. Yog tias tus neeg raug tsim txom muaj kev xiam oob qhab mus tas li, tej zaum yuav pom zoo rau qhov kev poob nyiaj tau los rau ntau tshaj tsib xyoos.
- Kev plam qhov kev txhawb nqa rau cov neeg vam khom ntawm tus neeg raug tsim txom muaj kev xiam oob qhab los sis tuag vim yog qhov tshwm sim ncaj qha ntawm kev ua txhaum cai.
- Kev poob rau cov nyiaj tau los siab txog ob xyoos, yog tias kev ua txhaum yog kev lag luam tib neeg.
- Kev rov cob qhia ua hauj lwm tshiab
- Kev tsiv chaw nyob
- Kev teeb tsa los sis txhim kho kev ruaj ntseg rau chaw nyob
- Kev hloov kho tsev los sis tsheb rau tus neeg raug tsim txom uas tau xiam oob qhab tas mus li.
- Kev ntxuav tu tom qab kev ua txhaum cai
Cov nuj nqis twg tsis tsim nyog tau txais kev them rov qab?
Qee qhov nuj nqis tsis tau tau kev them los ntawm CalVCB. Cov piv txwv muaj xws li kev puas tsuaj rau vaj tse, nqi tsev hais plaub, thiab nqi cai lij choj.
Cov neeg thov yuav tsum thov kev them nyiaj rov qab tsis pub dhau peb xyoos txij li hnub ua hauj lwm. Yog tias tau txais cov nqi them lig, CalVCB tsis tuaj yeem them tau.
Thaum twg CalVCB yuav tsis them nyiaj?
CalVCB yuav tsis them nyiaj yog tias:
- Daim ntawv thov rau kev them nyiaj tsis tau txais kev pom zoo.
- Tus neeg thov tsis tau thov nyob rau hauv lub sij hawm txwv.
- Ib daim nqi raug xa yam tsis muaj ntaub ntawv raug.
- Tus nqi tsis tau txais kev duav roos los ntawm lub khoos kas.
- Tus nqi ntau dua li lub khoos kas cov kev txwv them nyiaj.
- Tseem yuav tsis tau siv lwm qhov chaw yuav tuaj yeem them rov qab.
- Tus neeg muab kev pab cuam thov cov nyiaj them nyiaj ncaj qha tab sis tsis tau sau npe nrog CalVCB.
CalVCB tsis tuaj yeem them nyiaj thaum tus neeg raug tsim txom:
- Nyob hauv ib lub tsev kaw neeg.
- Nyob rau ntawm kev rau txim, kev kaw tswj cwj pwm, los sis nyob hauv kev saib xyuas hauv zej zog tom qab tso tawm rau ib qho kev ua txhaum cai loj.
- Yuav tsum sau npe ua tus ua txhaum rau kev sib deev.
Cov kev txwv rau ntawm kev them nyiaj yog dab tsi?
Muaj cov kev txwv rau yam uas CalVCB tuaj yeem them tau.
Qhov nyiaj ntau tshaj plaws uas CalVCB yuav them tau rau ib daim ntawv thov uas tau txais kev pom zoo yog $70,000. (Rau cov ntawv thov uas tau xa xyoo 2001-2017, qhov nyiaj ntau tshaj plaws uas CalVCB yuav them tau yog $63,000.)
Muaj cov kev txwv rau yam uas CalVCB yuav them tau rau qee yam kev pab cuam. Saib Phau Ntawv Qhia Txog Kev Xa Mus Rau Cov Txiaj Ntsig Nyiaj Pab rau daim ntawv teev npe tag nrho.
Yuav ua li cas yog tias kuv tau txais cov nyiaj them rov qab los ntawm lwm qhov chaw?
Raws li txoj cai lij choj, CalVCB tsuas tuaj yeem them cov nqi uas tsis tau txais kev duav roos los ntawm lwm qhov chaw nkaus xwb. Lwm cov chaw muab nyiaj no suav nrog:
- Kev tuav pov hwm kho mob, kho hniav, los sis kho qhov muag
- Cov khoos kas pab cuam nyiaj rau pej xeem xws li Medi-Cal, kev pov hwm rau kev poob hauj lwm, los sis cov nyiaj pab rau kev xiam oob qhab
- Kev pov hwm ntiag tug (tsheb, vaj tsev, thiab/los sis lub neej txoj sia)
- Cov nyiaj pab rau cov neeg ua hauj lwm kev raug mob
- Kev them rov qab raws li kev txiav txim ntawm lub tsev hais plaub
- Kev foob rau kev them nyiaj kho raws txoj cai lij choj
- Cov txiaj ntsig ntawm tus tswv hauj lwm
Cov neeg thov yuav tsum muaj lub luag hauj lwm qhia rau CalVCB txog txhua qhov chaw uas yuav tau txais kev them nyiaj rov qab. Yog tus neeg thov kom tau txais nyiaj los ntawm cov chaw no tom qab ntawd, tus neeg thov yuav tsum them rov qab rau CalVCB.
Cov nyiaj pab los ntawm zej tsoom kev sib koom tes (piv txwv li, GoFundMe) tsis xam tias yog qhov chaw them nyiaj rov qab, tab sis CalVCB tsis tuaj yeem them rau cov nuj nqis uas twb tau them nrog cov nyiaj pab los ntawm zej tsoom kev sib koom tes lawm.
Kuv puas yuav tsum them rov qab rau CalVCB yog tias lwm qhov chaw them lawm?
Yuav tau them. CalVCB tsuas tuaj yeem them nyiaj rau cov neeg raug tsim txom rau cov nqi uas tsis muaj lwm qhov chaw them rov qab tau nkaus xwb. CalVCB muaj cai kom tau txais cov nyiaj uas them lawm rov qab yog tias muaj lwm qhov chaw them tom qab them nyiaj tas lawm.
Kev Ua Ntawv Thov
Kuv yuav thov kev them nyiaj rov qab li cas?
Koj tuaj yeem thov hauv oos lais, los ntawm daim ntawv, los sis los ntawm tus neeg pab tswv yim kev pab.
Cov sij hawm txwv rau kev xa daim ntawv thov muaj dab tsi?
Lub sij hawm txwv rau kev ua daim ntawv thov yog:
- Hauv xya lub xyoo tom qab kev ua txhaum, los sis
- Xya xyoo tom qab tus me nyuam uas raug tsim txom muaj hnub nyoog tau 21 xyoo, los sis
- Xya xyoo txij thaum tus neeg raug tsim txom paub los sis tuaj yeem tshawb pom tias muaj kev raug mob los sis kev tuag tshwm sim raws li qhov tshwm sim ncaj qha los ntawm kev ua txhaum.
Tej zaum qee daim ntawv thov uas xa tom qab lub sij hawm no kuj tseem yuav tau txais kev txiav txim siab. Xa ib Daim Foos Kev Txiav Txim Siab Lig yog tias muaj qhov xwm txheej li no. Tej zaum hnub kawg rau kev ua ntawv tuaj yeem ncua tau ntxiv yog tias muaj laj thawj zoo. Qhov no suav nrog:
- Cov lus pom zoo los ntawm tus kws lij choj foob rooj plaub. Nws yuav tsum hais tias tus neeg raug tsim txom tau koom nyob hauv kev ntes thiab foob tus neeg ua txhaum.
- Cov xwm txheej thaum lub sij hawm foob los sis rau txim rau tus neeg ua txhaumyuav ua muaj rau kev poob ntau dua rau tus neeg raug tsim txom.
- Qhov xwm txheej ntawm kev ua txhaum zoo li ntawd kev tshaj tawm lig ntawm kev ua txhaum yog muaj kev tsim nyog thiab zam txim tau.
Cov neeg hauv tsev neeg uas raug cuam tshuam los ntawm tib qho kev ua txhaum cai kuj tseem tuaj yeem ua daim ntawv thov tau thiab. Lawv tuaj yeem pom zoo tom qab CalVCB pom zoo daim ntawv thov ntawm tus neeg raug tsim txom.
Kev Thov Rov Txiav Txim Dua
Kuv puas muaj cai thov rov txiav txim dua?
Koj muaj cai thov rov txiav txim dua yog tias CalVCB tsis kam lees daim ntawv thov los sis them nyiaj rau ib qho nuj nqis. Koj yuav tsum ua daim ntawv thov rov txiav txim dua tsis pub dhau 45 hnub txij li hnub uas Pawg Thawj Coj xa ntawv ceeb toom tsis kam lees daim ntawv thov los sis qhov nuj nqis.
Yog koj muab cov ntaub ntawv tshiab, CalVCB yuav rov txiav txim dua txog qhov tsis kam lees txais. Yog tias tsis tuaj yeem kov yeej cov teeb meem ntawm kev thov rov txiav txim tau, CalVCB yuav xa ib tsab ntawv raws cai uas suav nrog koj cov kev xaiv tuaj rau koj. Qhov no suav nrog kev thov ib lub rooj sib hais. CalVCB tsis ua cov rooj sib hais hais txog qhov kev tsis lees txais cov nyiaj xwm txheej ceev.
Yog tias koj tsis pom zoo nrog Pawg Thawj Coj qhov kev txiav txim kawg, koj tuaj yeem xa ua ib Daim Ntawv Thov rau Daim Ntawv Txib nyob hauv California Lub Tsev Hais Plaub Qib Siab.
Kuv yuav ua li cas los ua daim ntawv thov rov txiav txim dua?
Koj tuaj yeem siv CalVCB daim ntawv thov rov txiav txim dua los sis sau ib tsab ntawv. Piav qhia tias vim li cas CalVCB yuav tsum pom zoo daim ntawv thov los sis qhov nqi. Suav nrog txhua cov ntaub ntawv txhawb nqa. Tom qab ntawd kos npe rau, sau hnub tim, thiab xa daim foos los sis tsab ntawv mus rau:
CalVCB
Attn: Appeals
P.O. Box 350
Sacramento, CA 95812-0350
Cov txheej txheem kev thov rov txiav txim dua ua hauj lwm li cas?
CalVCB yuav tshab xyuas tag nrho cov ntaub ntawv hauv koj cov ntaub ntawv. Yog tias tsis tuaj yeem daws tau cov teeb meem txog kev thov rov txiav txim dua, CalVCB yuav xa cov lus pom zoo rau koj txog ntawm Tus Neeg Lis Hauj Lwm Hais Kev Ncaj Ncees. Qhov no yuav qhia koj txog koj cov kev xaiv lub rooj sib hais kev ncaj ncees ua ntawv sau.
- Yog tias koj xaiv ib qho kev hais kev ncaj ncees ntawm lus hais, koj tuaj yeem xaiv mus ntsib los ntawm cov hau kev hauv qab no:
- Hu Vis Dis Aus los sis Hu Xov Tooj los ntawm Zoom
- Tus kheej mus rau hauv Sacramento
- CalVCB yuav qhia rau koj paub ua ntawv sau txog hnub tim thiab sij hawm ntawm koj lub rooj kev sib hais kev ncaj ncees, thiab cov lus qhia txog txoj hau kev tuaj koom.
- Yog koj xav tau lwm hnub tim ntawm lub rooj sib hais kev ncaj ncees sib txawv, koj yuav tsum tiv tauj rau CalVCB ua ntawv sau thiab muab ib qho laj thawj rau kev hloov pauv. Koj yuav tsum qhia txog qhov laj thawj zoo los hloov hnub lub rooj sib hais kev ncaj ncees.
- Yog koj xaiv los xa ntau daim ntawv ntxiv:
- Koj yuav muaj sij hawm 30 hnub los xa cov ntaub ntawv uas qhia tias vim li cas CalVCB tsim nyog yuav pom zoo daim ntawv thov los sis qhov nuj nqis.
- Koj tsis tas yuav rov tau xa cov ntaub ntawv uas koj twb tau muab lawm. Pawg Thawj Coj yuav txiav txim siab tag nrho txog cov ntaub ntawv hauv koj cov ntaub ntawv thiab xa qho kev txiav txim kawg rau koj ua ntawv sau.
- Yog koj xaiv tsis ua dab tsi li:
- Tus Neeg Lis Hauj Lwm Hais Kev Ncaj Ncees qhov lus pom zoo yuav raug txais kev pom zoo los ntawm Pawg Thawj Coj los ua ib qho kev txiav txim kawg.